Umuhanzi Uzayisenga Jeremie uririmba indirimbo zo kuramya no guhimbaza Imana yashyize hanze indirimbo nshya yise “Nahimbazwe”, ayitura Imana nk’ishimwe ku bw’ibikorwa byayo n’ubuzima yahaye abantu.
Uzayisenga yatangiye gukora umuziki mu 2019, ubwo yakoraga amajwi y’indirimbo ye ya mbere. Ubu amaze gukora indirimbo 10, esheshatu muri zo zikaba zarakorewe amashusho. Mu zo amaze kumenyekanisha harimo “Umucyo Wanjye”, “Umuragwa”, “Mana Tabara”, “Hanagura” na “Hembura”, mbere yo gusohora “Nahimbazwe”.
“Nahimbazwe” ivuga ku gukomera kw’Imana
Uyu muhanzi avuga ko ubutumwa bw’iyi ndirimbo bushingiye kuri Zaburi 34:2, bugamije kwibutsa abantu ko Imana ikwiye gushimwa ku bw’imirimo myinshi ikorera abayizera.
Ati: “Ni indirimbo yo gushima Imana ku bw’imirimo myinshi idukorera ndetse n’ibyinshi Imana igenda idukiza. Bigaragaza ko nta wundi wo gushimwa hatabanje Imana, kuko ari yo yaduhaye n’umwuka duhumeka.”
Uzayisenga asobanura ko nubwo abantu bashobora kugirira abandi ibyiza, Imana ari yo soko y’ubuzima kandi ikwiye guhabwa icyubahiro, cyane cyane binyuze muri Yesu Kristo.
Ni umwe mu batoza b’amakorali b’abahanga
Uretse kuba umuhanzi, Uzayisenga ni umutoza wa Chorale Baraka yo mu Itorero rya Mubuga, Paruwasi ya Gicumbi. Afite kandi mu nshingano gutoza Chorale Integuza yo mu Itorero rya Yaramba, Paruwasi ya Gicumbi.
Mbere yaho yatoje Chorale Umucyoyo muri Paruwasi ya Butaro mu Karere ka Burera, ndetse afasha Chorale Siloam yo mu Murenge wa Rugarama, Akarere ka Gatsibo.
Muri uyu mwaka, Chorale Baraka yagiye mu bikorwa by’ivugabutumwa birimo urugendo rw’umugisha bakoreye mu Gatenga ,muri Paruasse Nyarugenge ndetse na Rwarutabura.
Ku rukundo, avuga ko umwizera adakwiye kurambagiza umupagani
Uzayisenga avuga ko urukundo hagati y’umukristo n’umupagani rudakwiyw. Avuga ko umusore w’Umukristo akwiye kwirinda kurambagiza umukobwa w’umupagani kuko bishobora kugira ingaruka ku muhamagaro we.
Ati: “Nta musore ukijijwe ukwiriye kurambagiza umukobwa w’umupagani.”
Yifashisha urugero rwa Aburahamu wasabye Isaka kujya gushaka umugore i Padanaramu, aho guhitamo mu bakobwa b’Abanyakanani.
“Kuririmba ni mpaka ku mwuka wanyuma”
Uzayisenga avuga ko umuziki ari umuhamagaro uri muri we imyaka ibihumbi n’ibihumbagiza.
Ku bakunzi be bifuza ko yabategurira igitaramo mu minsi iri imbere. Yavuze ko ubu Ari kugisuzumana ubushishozi hakarebwa niba bizashoboka.
Ati: “Nabyo byaba ari umugisha.”
Uyu muhanzi avuga ko akomeje gushyira imbaraga mu muziki n’umurimo wo gutoza amakorali, agamije kugeza ku bantu ubutumwa bwo kuramya no guhimbaza Imana.
Igitekerezo cyange nuko dukwiriye gushyigikira umihamagaro we kuko bizarushaho guhembura benshi banakizwe binyuze muri we mu mpande zose zisi. Murakoze cyane
imana niyo buhungiro bwacu nigihome kidukingira Kandi iri muruhande rwacu ntaho umubisha yava komeza gushiramo imbaraga Kandi uyoborwe na mwuka cyane izakugabiza nibindi bihugu ubihindure
Kbx turagushyigikiye big paa knd imana nayo ibirimo
Nakomerezaho turabona imbereye ariheza Kandi tumuri inyuma 1gutoza choir bisabiki?
2Nkumusanzu yaca choir nko kukwezi waba unganiki?
Murahoneza uyumuhanzi ndamuzi cyn ni umuhanga mugutoza indirimbo kurwajye ruhande numva namushigikira mubikorwabye murakoze