Urubanza ruregwamo Ishimwe Vestine na Idrissa Jean Luc Ouedraogo rwongeye gusubikwa n’Urukiko rw’Ibanze rwa Kicukiro, mu gihe umubano w’aba bombi ukomeje gukurikiranwa n’ubutabera.
Ikibazo cyari cyajyanye Idrissa mu rukiko ni icy’umwana avuga ko yabyaranye na Vestine. Idrissa arasaba ko yahabwa uburenganzira bwo kubona uwo mwana, ndetse hakabanza gukorwa isuzuma rya ADN kugira ngo hasobanuke neza isano bafitanye.
Uru rubanza rwabaye mu gihe Vestine na Idrissa basanzwe bafite n’urundi rw’ubutane. Vestine ni we watanze ikirego asaba ko batandukana burundu, mu gihe Idrissa atemera ibyo ashingiraho asaba ubutane.
Kugeza ubu, urukiko ntirwatangaje impamvu yatumye urubanza rwo ku wa 30 Nzeri 2026 rusubikwa. Ku rundi ruhande, urubanza rw’ubutane rwo rwashyizwe ku 3 Ukuboza 2026, ubwo hazatangira kuburanwa mu mizi.
Vestine muri iki gihe ari muri Canada, akaba yarahagarariwe n’umunyamategeko mu gihe Idrissa yitabye urukiko ari kumwe n’abamwunganira.
Urubanza rwa Vestine na Idrissa rwagombaga kuba ku mpera za Nzeri rwasubitswe
Uko bigaragara, Vesi har’ibyo ari kwerekana, ndabon’asa nuhung’ubutabera nk’ufit’ibyo yikeka!
Niba ntabyo, niyemer’iby’umugab’asaba, bishyize mugaciro, yikwep’ubutabera.