Ev. Dana Morey, mwinjilisti kutoka Marekani, anatarajiwa kuongoza mfululizo wa mikutano ya Injili chini ya “A Light to the Nations”, itakayofanyika katika maeneo mawili nchini Tanzania mwanzoni mwa Oktoba 2026.
Huduma ya A Light to the Nations (ALN), iliyoanzishwa na Dkt. Dana Morey, huandaa huduma kubwa za Injili katika maeneo mbalimbali duniani, hasa barani Afrika kupitia A Light to the Nations-Africa Ministries, inayowakilishwa na Dkt. Ian Tumusiime. Huduma hiyo inatarajiwa kurejea Tanzania kwa ajili ya “Sherehe ya Injili ya Miujiza (Miracle Gospel Celebration)” huko Mwanza na Bariadi.
Mikutano hiyo ya Injili itafanyika katika maeneo mawili. Wa kwanza utafanyika katika Jiji la Bariadi, katika CCM Bariadi Ground, kuanzia Oktoba 1 hadi 4, 2026. Kuanzia Oktoba 8 hadi 11, 2026, mikutano itaendelea Buhongwa, Mwanza, katika uwanja wa shule uliopo Buhongwa B.
Mikutano hiyo itaanza saa 9:00 alasiri hadi saa 1:00 usiku, na washiriki watapata pia fursa ya kujishindia zawadi mbalimbali, zikiwemo ng’ombe, simu janja ya kisasa, pikipiki, baiskeli, friji, televisheni na zawadi nyingine.
Kupitia A Light to the Nations, Dkt. Dana Morey amewahimiza watu kutoka katika mazingira na nchi mbalimbali kuhudhuria Sherehe ya Injili ya Miujiza, akisisitiza kwamba ujumbe wa Yesu ni kwa kila mtu. Katika ujumbe ulioshirikishwa na huduma hiyo, alisema: “Yesu ni kwa Wote!”
Aliendelea kusema: “Bila kujali umetoka katika mazingira gani au unaabudu wapi, Unakaribishwa! Yesu alikufa kwa ajili ya wote, na upendo wake ni kwa kila mtu. Njoo ukiwa na kiu ya Mungu. Njoo ukitarajia mabadiliko. Njoo uwe sehemu ya kile ambacho Mungu anafanya Bariadi na Mwanza!”
Mwaliko huo pia unawahusu watu kutoka nchi mbalimbali, ambapo A Light to the Nations imewaalika watu kutoka Uganda, Rwanda, Kenya, Tanzania na maeneo mengine kuhudhuria mikutano hiyo.
Sherehe ya Injili ya Miujiza pia inalenga ujumbe wa kibiblia unaopatikana katika Yohana 3:16, unaosema: “Kwa maana jinsi hii Mungu aliupenda ulimwengu…”
Kwa hiyo, Sherehe ya Injili ya Miujiza itawakutanisha watu katika mahubiri ya Injili, ibada na sifa, pamoja na fursa za washiriki kujishindia zawadi mbalimbali.
Jambo lingine litakalopewa uzito katika mikutano hiyo ni mwaliko wa waandaaji kwa watu kutokosa kile wanachokiita “divine encounter”, yaani fursa ya kukutana na Mungu kwa namna ya kipekee.
Mikutano hiyo pia itashirikisha mwimbaji wa Injili wa Tanzania Goodluck Gozbert, ambaye ataungana na Dkt. Dana Morey katika huduma ya Injili kupitia ibada na muziki.
Ev. Dana Morey yuko tayari kuwapa Watanzania tumaini kupitia “Sherehe ya Injili ya Miujiza” ya A Light to the Nations
