× Home Ministries Choirs Pastors Bible Entertainment Development Health Love Fashion Music

Double Blessing: Prophet Ernest yibarutse umwana wa kane ku isabukuru y’imfura ye - PHOTOS

Category: Love  »  1 month ago » 

Double Blessing: Prophet Ernest yibarutse umwana wa kane ku isabukuru y'imfura ye - PHOTOS

Rev. Prophet Ernest Nyirindekwe n’umugore we Agnes Mutegwaraba bari mu byishimo bidasanzwe batewe no kwakira umwana wabo wa kane, Edeni Eze Ethan Luxen, ku munsi wari usanzwe ari uw’isabukuru y’amavuko y’imfura yabo.

Ni umunsi ushobora gusobanurwa nk’uwa “Double Blessing”, kuko umuryango wa Prophet Ernest Nyirindekwe wakiriye imigisha ibiri y’ingenzi icyarimwe: kwizihiza isabukuru y’amavuko y’imfura ndetse no kwagura umuryango bagahabwa undi mwana.

Umwana wabo wa kane, umuhungu bise Edeni Eze Ethan Luxen, yabonye izuba mu rukerera rwo ku Cyumweru tariki ya 20 Nzeri 2026, ahagana saa mbiri za mu gitondo.

Ibi byatumye uwo munsi uba uw’ibyishimo byihariye ku muryango wa Nyirindekwe, kuko ari na wo munsi wari w’isabukuru y’amavuko y’imfura yabo.

Isabukuru y’imfura yahuriranye n’ivuka ry’umwana

Mu gihe umuryango wari uri mu byishimo byo kwakira umwana mushya, Prophet Ernest yanifurije imfura ye isabukuru nziza, amugaragariza ko amwishimira kandi amusabira imigisha y’Imana.

Mu butumwa yanditse, yagize ati: “Isabukuru nziza Mfura yanjye, nterwa ishema nawe. Ndasaba Imana ikomeze kuguha gukurira mu buntu bwayo, iguhe kwaguka mu bwenge, mu kuyimenya no guhirwa mu buzima bwa buri munsi. Happy Birthday.”

Ku mubyeyi, kubona umwana akomeza gukura neza, ari muzima kandi agera ku yindi myaka, hanyuma uwo munsi nyirizina ukaba ari na wo bibarukaho undi mwana mu muryango, ni ibyishimo bidasanzwe.

Ni yo mpamvu kuri Prophet Ernest n’umuryango we, tariki ya 20 Nzeri 2026 ishobora kwibukwa nk’umunsi wihariye w’umuryango wahurijemo isabukuru n’impano nshya y’umwana, bigatanga ibyishimo bibiri ku munsi umwe.

“Umubyeyi ni muzima n’umwana ni muzima”

Nyuma yo kwakira umwana, Prophet Ernest yashimiye Imana ndetse asaba inshuti, abakristo n’abakunzi b’umuryango we kwifatanya na bo mu gushimira Imana kuri iyi mpano nshya.

Mu butumwa yashyize ku rukuta rwe rwa Instagram, yagize ati: “Mumfashe gushima Imana hamwe n’umuryango wanjye yaduhaye umwana w’umuhungu. Umubyeyi ni muzima n’umwana ni muzima.”

Ibyo yavuze byagaragaje ibyishimo ndetse n’ishimwe ku bw’uko umubyeyi n’umwana bombi bari bamerewe neza nyuma yo kubyara.

Prophet Ernest yibarutse umwana wa kane, nyuma y’iminsi micye avuye i Burayi hamwe n’umuryango we aho bari bagiye mu biruhuko. Baje kugaruka na cyane ko amashuri yari afunguye, none ubu umuryango wose uri mu byishimo bya ’Double Blessing’.

Umurimo w’ivugabutumwa wamugejeje ku migabane itandukanye

Prophet Ernest Nyirindekwe azwi mu murimo w’ivugabutumwa, inyigisho n’ubuhanuzi. Ni Umushumba Mukuru wa Elayono ku Isi, umurimo ufite ibikorwa mu bihugu bitandukanye birimo Canada, Leta Zunze Ubumwe za Amerika, u Bubiligi, u Bufaransa, u Bwongereza n’ahandi.

Mu nyigisho ze, akunze kwibanda ku gufasha abakristo gukura mu kwizera, kumenya neza inshingano zabo nk’abigishwa ba Yesu Kristo no kubaho ubuzima buhuje n’Ijambo ry’Imana.

Mu butumwa yagiye atanga mu bihe bitandukanye, yanashishikarije abakristo kudahera ku rwego rwo kuba abigishwa gusa, ahubwo bakagera ku rwego rwo kuba abantu bashobora na bo kwigisha, gutanga ubuhamya no gufasha abandi gukura mu kwizera.

Ivugabutumwa n’ibiterane mu Burayi, Amerika n’ahandi

Mu myaka amaze mu murimo, Prophet Ernest Nyirindekwe yakoze ingendo zitandukanye z’ivugabutumwa ndetse yitabira ibiterane byabereye mu bihugu n’imigabane itandukanye.

Izi ngendo zamuhuje n’abakristo mu bice bitandukanye by’Uburayi, Afurika na Amerika, aho yagiye yigisha Ijambo ry’Imana, kubwiriza no gusengera abantu.

Muri uyu mwaka wa 2026, Elayono yanizihije imyaka 10, aho Prophet Ernest yakoreye ibirori bikomeye muri Canada byo kwizihiza iyi myaka y’umurimo w’uyu muryango wa gikristo.

Yagiye no mu birori bikomeye byitabiriwe n’ibikomangoma n’abami

Usibye ibikorwa bye by’ivugabutumwa n’ibiterane bya gikristo, Prophet Ernest Nyirindekwe yanagaragaye mu bikorwa n’ibirori bikomeye, aho yagiye mu bikorwa byamuhuje n’abandi bantu batandukanye bakomeye ku Isi.

Ibyo birori yitabiriye byitwaga "White house Prayer of Our Nation Awards and Appreciation Gala”. Byabaye nyuma yo guhura n’abakristo batandukanye mu muhango wa “Meet and Greet” wabereye Washington Dc muri Leta zunze ubumwe z’Amerika.

Prophet Ernest yibarutse umwana wa kane ku isabukuru y’imfura ye

Ubutumwa bwa Prophet Ernest ku isabukuru y’imfura ye

Tanga igitekerezo kuri iyi nkuru

pre-moderation

This forum is pre-moderated: your contribution will only appear after being validated by an admin.

Who are you?
Your post

To create paragraphs, just leave blank lines.